In activist ed ina activista da «Renovate Switzerland» sajan siglidas sin la tribuna durant la premiaziun d'in film al festival da film da Locarno. Els hajan pretendì in pli ferm engaschi per la protecziun dal clima. La gruppa ha publitgà in video da l’acziun.
La polizia ha arrestà las persunas involvidas. Sin la Piazza Grande a Locarno è vegnì mussà in nov film sur l'antarctica dal biolog e documentarist franzos Luc Jacquet. Per ses film «Die Reise der Pinguine» ha el survegnì in Oscar il 2006.
