Siglir tar il cuntegn

Header

cuntegn

FIFA Ulteriur chasti per Sepp Blatter

La cumissiun etica da la FIFA chastia ferm l'anteriur president Sepp Blatter e l'anteriur secretari general Jérôme Valcke pervi da divers malfatgs.

En sia sentenzia publitgada ha la FIFA decidì da chastiar ils anteriurs funcziunaris cun ina multa dad 1 milliun francs. Vitiers na dastgan els dus per ulteriurs 6 onns ed 8 mais betg exequir in'activitad en il ballape.

A Blatter sco er a Valcke vegn renfatschà violaziun da la loialitad, conflicts d'interess sco er d'avair offrì u prendì encunter regals ed auters avantatgs.A Valcke vegn plinavant renfatschà d'avair malduvrà sia posiziun.

Il franzos da 60 onns è stà tranter il 2007 e 2016 secretari general da la FIFA. Blatter ch'ha lavurà dapi il 1975 per la FIFA è stà duront ils onns 1998 fin 2016 president da la federaziun internaziunala da ballape.

RTR Novitads 14:00

Artitgels legids il pli savens

Scrollar a sanestra Scrollar a dretga