Bun 5 onns suenter ch'igl è vegnì avert ina procedura penala cunter l'anteriur president da la FIFA, Joseph Blatter, smanatschan ulteriuras malempernaivladads giuridicas. La procura Publica federala investighescha cunter Blatter en il cas d'in pajament da milliuns da la FIFA a l'Associaziun federala a Trinidad e Tabago il 2010. Quai resulta da documents da las autoritads ch'èn en ils mauns da l'agentura da pressa tudestga, DPA.
A Blatter – ch'è stà dal 1998 fin 2015 a la testa da la FIFA – ed a dus ulteriurs top funcziunaris vegn renfatschà gestiun malfidaivla. Per tut ils involvids en la procedura valia la supposiziun d'innocenza, uschia la Procura publica federala.