Il Cussegl federal quinta da nov cun in anc pli grond deficit a vista mesauna. Tenor planisaziun actuala quinta el cun deficits structurals da duas fin trais milliardas francs ils onns 2025 fin 2027.
I dettia duas raschuns principalas: Per l’ina ils auts custs per la migraziun, surtut la prolungaziun dal «status S» per fugitivs da l’Ucraina. Per l’autra il schlargiament da las reducziuns da las premias, hai num en ina communicaziun. Ed a vista mesauna vegn l'augment da l'armament a chaschunar deficits. Il parlament vul successivamain auzar quels custs sin 1% dal product brut intern.In ulteriur punct da custs è la midada demografica che chaschuna pli auts custs per l'AVS, l'ssicuranza per vegls e survivents.
En consequenza stoppian blers projects vegnir spustads. Il medem mument veglia il Cussegl federal dentant metter il focus sin la digitalisaziun.
En la sessiun d'enviern vegn il parlament a discutar davart la tematica. El ha en quest connex era la pussaivladad da dar incumbensas al Cussegl federal. L’entschatta da l’onn vegn il Cussegl federal a prender emprimas decisiuns.
