Persunas – ch’èn conscientas da l’ambient – crititgeschan che detaglists dovran material d’emballadi. Perquai han quels introducì indrizs d’embuttigliar per vender mangiativas senza emballadi. Quests indrizs èn dentant flops.
Dascusamain svaneschan quests indrizs puspè or da las butias. La dumonda saja simplamain stada memia pitschna durant las fasas da test, ha argumentà il detaglist Coop envers la «SonntagsZeitung». Uschia na chattian ins betg pli indrizs d’embuttigliar aua minerala e biera. Il medem valia er per la vendita averta da pulvra da lavar e products da nettegiar.
Coop n’è dentant betg il sulet detaglist ch’ha rut giu quest experiment: Er tar il concurrent Lidl haja il concept fatg naufragi e na vegnia betg persequità vinavant.
Or da l'archiv
