Cura che emprims skiunzs giaudan las pistas la bun'ura, turna Anja Mödl gia enavos da la pista. Sin radund 2400 meters sur mar, en la regiun Meierhoftäli tar Tavau, ha la scienziada installà ses instruments – permez la naiv. Sia finamira: analisar il cumportament da la glisch dal sulegl en l'ambient alpin.
Ella endrizza in spectrometer e sensur per mesirar la glisch dal sulegl e la glisch che vegn reflectada da la naiv. Ella vul chattar vias per optimar la producziun da current solar durant l'enviern.
Glisch na suonda nagina via singula
«Qua datti ina ina platta spectrala. La glisch dal sulegl vegn sin quella, ed jau mesir lura la glisch reflectada. Grazia a la plazza daventa la glisch pli diffusa e pli omogena, quai che pussibilitescha mesiraziuns pli reliablas cun main sbagls.» Quai declera Mödl vers Radio Televisiun RTS da la Svizra franzosa.
Il rapport dad RTS cun suttitels tudestgs:
Las mesiraziuns sto Mödl far sut cundiziuns severas: «Quai cun tschiel cler e sulegliv, però era cun tschiel nivlus e senza sulegl visibel. Ideal èsi dentant cun tschiel serain.» Mo uschia èsi garantì ch'ins po cumparegliar las datas. Tranter auter però era, perquai che l'angul dals radis da sulegl varieschan en il decurs dal di.
En las muntognas na suonda la glisch betg ina singula via. La glisch vegn reflectada da las surfatschas vischinas, en spezial era da la naiv. La glisch vegn lura diffusa e mintgatant era rinforzada. «La naiv reflectescha la pli gronda part da l'irradiaziun. La glisch vegn però era reflectada da las costas da las muntognas. Quatras datti tant irradiaziun directa sco era indirecta che cuntanscha il plaun», declera Anja Mödl.
Questa quantitad dubla intensiveschia l'irradiaziun disponibla. Uschia daventia la naiv in accumulader d'irradiaziun solara. In dals resultats ils pli impurtants da la perscrutaziun pertutga l'influenza da la cuntrada sin l'irradiaziun solara. Gia paucs tschients meters pon muntar differents resultats.
Diskutieren Sie mit:
Questas differenzas localas èn relevantas per indrizs solars, perquai ch'i pon quatras gudagnar u perder efficienza, sch'ins resguarda la topografia e la reflexiun da la glisch tranter las costas.
Perscrutar l'influenza reciproca
La lavur da perscrutaziun en la naiv pretenda in'organisaziun stricta. Las mesiraziuns ston adina capitar tranter las 11:00 e las 13:00 per limitar la variaziun tras il stan dal sulegl. Tar mintga mesiraziun èsi dad installar la construcziun, calibrar ella, mesirar la glisch e suenter puspè deinstallar ella.
Sper quai rimna Mödl era datas cun las pli differentas cundiziuns: naiv nova, naiv veglia, cun u senza grip. Taluisa vul ella schlargiar ils models e chapir meglier l'influenza reciproca da glisch, naiv e reliev en il grip.
