Siglir tar il cuntegn

Header

audio
Co la Confederaziun ed ils chantuns retschaivan ils fugitivs da l’Ucraina
Or da Actualitad dals 17.03.2022.
abspielen. Laufzeit 2 minutas 37 Sekunden.
cuntegn

Fugitivs da l’Ucraina Uss duai ir pli spert per registrar ils fugitivs, di il SEM

Actualmain vegnan mintga di 500 fin 1’000 persunas da l’Ucraina en Svizra, oravant tut uffants e mammas. Fin uss ha la Svizra registrà radund 8’500 fugitivs, ha il Secretariat da stadi per la migraziun SEM ditg a las medias a Berna. La capacitad da registrar è da nov tar circa 1’000 persunas il di.

Il dumber da letgs en ils center federals d’asil ha la Svizra pudì augmentar aifer paucas emnas da 4’000 sin radund 9’000. Actualmain dettia anc ina reserva da 1’500 letgs, ha ditg il Secretariat da stadi per la migraziun. Ins saja a la tschertga d’ulteriurs plazs, actualmain saja l’alloschi per las dunnas ed ils uffants fugids da l’Ucraina dentant garantì.

Chantuns giavischan repartiziun guliva

Ina sfida saja da reparter las persunas fugidas sin ils chantuns. Quai duai succeder guliv sur tut ils chantuns, hai gì num da la Conferenza dals directurs e da las directuras chantunalas dals affars socials. I na fiss betg bun sch’ils fugitivs restassan en ils chantuns cun grondas citads. Perquai duai valair. la clav da repartiziun dal normal sistem d’asil. E quai era per minorens betg accumpagnads e per persunas zunt vulnerablas ord l’Ucraina.

Ord vista da las polizias chantunalas èsi impurtant, ch’i dettia ina controlla da segirezza da las persunas fugidas. Per quella è responsabel il Secretariat da stadi per la migraziun.

RTR novitads 17:00

Artitgels legids il pli savens

Scrollar a sanestra Scrollar a dretga