Siglir tar il cuntegn

Header

cuntegn

Fundaziun Franz Weber Critica envers parcs solars en regiuns muntagnardas

Ils parcs solars planisads en las muntognas svizras èn per las organisaziuns per la protecziun da la cuntrada ina spina en ils egls. Las consequenzas per la natira sajan considerablas. Vera Weber, la presidenta da la Fundaziun Franz Weber ha perquai annunzià opposiziun.

En in'intervista cun «Le Matin Dimanche» ha ella ditg ch’i saja dal tuttafatg fauss da destruir la natira e da pretender dad uschia salvar ella. Indriz solars na vegnan simplamain mess sin in prau. I dovria construcziuns e fundament, che stoppian er vegnir construì. Enstagl da destruir patrimoni cultural stoppian ins l'emprim spargnar energia e meter indriz da fotovoltaica sin edifizis existents, uschia Vera Weber.

Plinavant crititgescha ella ch'i vegn stgaffì ina lescha urgenta, che cuntradia a las leschas da protecziun da natira e da planisaziun da spazi.

Fundaziun Franz Weber

Avrir la box Serrar la box

La fundaziun Franz Weber è vegnì fundada il 1975 da persunas che vulan proteger l'ambient. La fundaziun è activa tant en Svizra sco er sin tut il mund. Ella fa tranter auter campagnas per proteger animals ubain la natira.

Enconuschent en Svizra è la fundaziun surtut pervia da l'iniziativa da segundas abitaziuns. L'intent da quella era, da limitar il dumber dad abitaziuns secundaras en vischnancas sin maximal 20%. La populaziun svizra ha approvà quell'iniziativa il mars 2012.

Critica envers ils parcs hai er gia dà da l'Organisaziun svizra da la protecziun da cuntrada. Er quell'organisaziun vesa il potenzial per energia solara surtut sin bajetgs existents. La Fundaziun per la protecziun vegnia dentant a sustegnair projects solars cumportabels per la cuntrada. 

Opposiziun cunter projects planisads

Tenor la presidenta da la fundaziun Franz Weber na saja betg conscient a las autoritads, quant grond che l'opposiziun encunter parcs planisads è. In exempel saja in indriz da test en il Vallais sin 2'500 meters sur mar. Entaifer curt temp haja sa fundà ina gruppa dad adversaris cun passa 600 persunas.

Adattà al tema

Actualmain datti en differents chantuns iniziativas e projects per gronds parcs solars. In motiv perquai èn tranter auter las premissas pli bassas da la Confederaziun per bajegiar indrizs solars. In da quels projects è planisà a Scuol.

video
Parc solar planisà sur Scuol
Or da Telesguard dals 15.11.2022.
laschar ir. Durada: 3 minutas 55 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga