L'anteriur patrun da l'hotel sin l'Uetliberg Giusep Fry è mort en la vegliadetgna da 64 onns. Sco che ses pledader scriva, haja ses cor smess a batter nunspetgadamain la mesemna.
Fry, ch'era oriund da Cumpadials, è stà per blers onns il patrun da l'hotel Uto Kulm sin il Uetliberg a Turitg. Fry ha cumenzà da lavurar en l'hotel avant 40 onns. 1999 ha il Grischun pudì cumprar l'hotel, ensemen cun il sulom e la tur da panorama.
Giusep Fry ha bajegià or l'hotel durant ses temp sco mainafatschenta, ed è savens ì sin confruntaziun cun la protecziun da la patria, organisaziuns d'ambient e las autoritads. I è ì per lavurs da construcziun e sgols da helicopter illegals.
Ils 2022 aveva el surdà la fatschenta a ses figl Fabian. El è dentant anc restà il president dal cussegl administrativ.
