En media è la svieuta sa reducida per prest 28%. Sulettamain 3% dals manaschis han registrà suenter l'obligaziun da certificat in augment da la svieuta. Latiers èn trais da quatter manaschis sa lamentads che reservaziuns sajan vegnidas stornadas. Bleras interpresas hajan stornà occurenzas per ils mais d'enviern. In ulteriur punct che fa quitads als manaschis gastronomics èn las reservas ch'èn en blers lieus duvradas si.
Ils resultats da la retschertga cun 2'337 participonts mussia che l'obligatori da certificat na pertutga betg tut ils manaschis medemamain. Pervia da quellas grondas differenzas pretenda Casimir Platzer, president da Gastrosuisse, ch'ils manaschis pertutgads fitg survegnian novas indemnisaziuns per cas gravants.
La desperaziun en la branscha crescha puspè da di a di.
86,2% dals manaschis inditgeschan en la retschertga ch'els hajan dapli custs da pajas. Quatter da 10 manaschis han gia gì charplinas criticas pervi da l'obligatori.
