Il salun d’autos a Genevra è istorgia. Quai han communitgà ils organisaturs da l’occurrenza tradiziunala. Els hajan constatà che l’industria d’autos na dovria ozendi betg exnum pli ina tala occurrenza.
-
Bild 1 von 2. Finì cun il salon d'autos: Quest onn ha la davos'ediziun gì lieu. Quai suenter ina pausa dapi il 2019, tranter auter pervi da corona. Bildquelle: Keystone.
-
Bild 2 von 2. Il format da quest davos salun d'autos è dentant stà en in rom pli pitschen – el ha cuzzà set dis enstagl dals 11 dis ch'eran usit. Bildquelle: Keystone.
Il salun d’autos a Genevra datti gia dapi il 1905. In eveniment da lunga tradiziun pia che carmalava avant la pandemia da corona mintg’onn passa 600'000 visitaders. Il salun d’autos a Genevra valeva ditg internaziunalmain sco ina da las pli impurtantas exposiziuns d’autos dal mund. Questa primavaira ha il salun dentant mo pli gì lieu en in rom pli pitschen.
Or da l'achiv:
In egliada anavos sin la lunga tradiziun dal salon d'autos a Genevra. RTR ed SRF han adina puspè rapportà e presentà impressiuns da l'eveniment ch'ha allegrà ils cors da fans d'autos dapi passa 100 onns.