Siglir tar il cuntegn

Header

video
Viola Amherd ed ils plans per gieus olimpics 2038
Or da News-Clip dals 29.11.2023.
laschar ir. Durada: 20 Secundas.
cuntegn

Gieus olimpics en Svizra 2038 Er Marcus Caduff beneventa d'avair dapli temp per il project

Ils gieus olimpics d'enviern dal 2030 na vegnan betg ad esser en Svizra, mabain en Frantscha. Quai ha il comite olimpic internaziunal IOC confermà mesemna saira. Er il 2034 vegn la Svizra a la curta. Lura èn ils gieus olimpics a Salt Lake City en ils Stadis Unids. Per il 2038 ha l'IOC dentant concedì a la Svizra in uschènumnà «dretg da preferenza».

I na saja bain pli tard che pensà, ma fetschia tuttina plaschair che la Svizra saja en discussiun per ils gieus 2038, quai ha ditg Viola Amherd envers SRF suenter la decision da l'IOC. Uschia possian ins approfundar il dossier olimpic e far in project fundà.

Er regenza grischuna beneventa ils plans

Semegliont tuni er tar il minister d'economia grischun Marcus Caduff. Er el beneventa vinavant ils plans per gieus olimpics d'enviern en Svizra. Er per il Grischun saja d'avantatg sch'ins haja dapli temp per l'entir dossier ed er per persvader la populaziun en chaussa.

audio
Marcus Caduff davart ils plans da gieus olimpics 2038
ord RTR Audio dals 30.11.2023. Maletg: RTR
laschar ir. Durada: 18 Secundas.

Il plan eran gieus olimpics en Svizra il 2030 u 2034

Venderdi passà era il parlament da sport svizzer s'exprimì unanimamain persuenter da persequitar vinavant ils plans per ils gieus olimpics d'enviern dal 2030.

audio
Glisch verda per gieus olimpics 2030
ord Actualitad dals 24.11.2023. Maletg: Keystone
laschar ir. Durada: 2 minutas 36 Secundas.
Nus fissan l'emprim pajais ch'è in pajais ospitant e betg mo ina citad per ils gieus olimpics. Quai avess in grond niz per la Svizra.
Autur: Viola Amherd ministra da sport

La Svizra avess gia ina infrastructura vasta per il sport d’enviern e gia duas giadas han ils gieus gì lieu a San Murezzan, il 1928 e 1948.

RTR actualitad 17:00

Artitgels legids il pli savens