In'allianza da 60 organisaziuns sco Greenpeace, Helvetas e Pro Natura pretenda ina regulaziun pli stricta tar novas tecnicas geneticas. Plinavant pretenda ella ina clera decleraziun per products ch'èn vegnids midads geneticamain.
Tar novas proceduras na saja betg cler tge consequenzas ch'ils products hajan per ils umans e l'ambient, scriva l'allianza en in palpiri da posiziun. Novas metodas stoppian perquai vegnir integradas en la lescha da tecnica genetica existenta.
L'onn passà aveva il parlament incumbensà il Cussegl federal d'elavurar ina excepziun per il moratori da tecnica genetica. I duai esser lubì da modifitgar plantas geneticamain, dentant betg d'agiuntar material genetic d'autras spezias. Quella proposta duai esser sin maisa fin il 2024.
