En il traffic public datti adina dapli cameras. Entaifer diesch onns haja la Viafier retica augmentà il dumber da cameras da gnanc 95 sin 1’723. Quai ha il «Sonntagsblick» retschertgà.
Sguard en l'entira Svizra
Sumegliant vesia or tar las ulteriuras interpresas da transport. Uschia avevan las Viafiers federalas svizras augmentà la surveglianza fermamain il 2015, ed installà 14'600 cameras. Actualmain han ellas tenor atgnas indicaziuns 24'400 cameras. Quai saja ina part dal concept da segirezza, di l'interpresa.
Er en autras interpresas da transport datti dapli cameras da surveglianza. Ils autos da posta han per exempel actualmain 1'200 cameras. En tut filmeschan tenor il «Sonntagsblick» almain 36'000 cameras ils viagiants e las viagiantas en il traffic public svizzer.
