Siglir tar il cuntegn

Header

cuntegn

Gronda dumonda Viagiar pudess vegnir pli char

Suenter dus onns pandemia da corona saja il basegn da puspè pudair viagiar grond. Quai ha ditg Martin Wittwer, il president da l’Uniun svizra da viagiar, envers las gasettas da Tamedia.

El quinta che la branscha da viagiar cuntanschia quest onn 80 pertschient da la svieuta dal 2019. Ils pretschs da benzin e kerosin che creschian, vegnian ad avair consequenzas pir l’atun.

La prontadad da dar ora daners per viadis saja uss pli gronda. Las Svizras ed ils Svizzers hajan spargnà bunamain dus onns daners. Er il ferm franc promovia er il gust da viagiar. La pandemia e la guerra en l’Ucraina sajan stadas cesuras per la branscha, ha manegià Martin Wittwer da l’Uniun svizra da viagiar.

Er viadis da fatschenta dettia puspè dapli, dentant betg pli en las dimensiuns sco avant la pandemia. Conferenzas per video sajan numnadamain sa cumprovadas en il fratemp.

Schweiz aktuell da SRF ha rapportà gievgia Pasca:

video
Las fullas da Pasca a l'eroport da Turitg
Or da Schweiz aktuell dals 14.04.2022.
laschar ir. Durada: 5 minutas 41 Secundas.

RTR novitads 09:00

Artitgels legids il pli savens