Oz mesemna retschaiva la Svizra per l'emprima giada persunas civilas grevmalsaunas da l'Ucraina. Las emprimas tschintg persunas vegnan tractadas en ils ospitals universitars da Turitg e Losanna sco er en l'Inselspital a Berna, scriva la Conferenza dals directurs chantunals da sanadad. Da tge ch'ellas pateschan n'è betg vegnì tradì.
Il fanadur aveva l'ambassada ucranaisa dumandà la Svizra per quest servetsch. Ils posts cumpetents da chantuns e Confederaziun èn sinaquai sa cunvegnids ad in mecanissem da prender si pazientas e pazients.
Probabel vegn la Svizra a retschaiver mintga mais enturn 20 persunas grevmalsaunas da l'Ucraina. Il transport vegna organisà da la Rega.
