Siglir tar il cuntegn

Header

cuntegn

Gulivaziun da finanzas I dat pli pauc per il Grischun

L'onn proxim survegn il chantun Grischun 3,2 milliuns francs damain ord la cassa da gulivaziun federala. Las propostas da l’Administraziun federala da finanzas van uss als chantuns

Il 2021 paja la Confederaziun al Grischun ina summa da gulivaziun da totalmain 270 milliuns francs. Tenor l'Administraziun federala da finanzas munta la summa totala dals pajaments a 5,2 milliardas francs. Quai èn 76 milliuns francs pli pauc che quest onn.

Da pajar il pli bler en la cassa da gulivaziun ha l’onn che vegn il chantun Turitg, cun ina mesa milliarda francs. Per il chantun Zug resulta ina chargia da 330 milliuns. Il chantun Berna survegn il pli bler ord la cassa – cun bun 890 milliuns francs. Er anc var 790 milliuns survegn il Vallais.

Corona anc senza effect

Relevant per la gulivaziun 2021 èn ils onns da taxaziun da taglia 2015, 2016 e 2017. Las consequenzas da la pandemia da corona n’han uschia anc betg influenzà las cifras preschentas.

La finala decida il Cussegl federal

Il rapport da l’administraziun federala va uss als chantuns. La Conferenza dals directurs da finanzas chantunals prendan lura posiziun la fin settember. La finala decida il Cussegl federal.

RTR novitads 16:00

Artitgels legids il pli savens

Scrollar a sanestra Scrollar a dretga