Siglir tar il cuntegn

Header

audio
HelveCHia: Cassas per baterlar a Basilea
Or da Actualitad dals 01.08.2022.
laschar ir. Durada: 2 minutas 14 Secundas.
cuntegn

Contact social Baterlar cun ir en butia

A Basilea duai dar «cassas da baterlar» per persunas che sa sentan sulettas. Il project da pilot prevesa d'installar duas cassas, ina en ina filiala da la Migros e l’autra en in'apoteca. A questas cassas pon ins prender temp.

A la cassa da baterlar èsi giavischà da laschar temp – da discurrer sur da quai e tschai cun la vendidra u cun il vendider. I duai esser in lieu d’inscunter, di Stefanie Näf che maina il post «Gsünder Basel» ch'ha instradà il project. Envers il radio SRF ha ella declerà ch'i duai dar sco emprim duas da questas cassas. Il test dura sis mais. A lunga vista è l'idea d'avair ulteriuras talas cassas. 

Era sch’ins po prender temp per far ina baterlada, n'èsi betg pensà da far baterladunas. Dentant spetgan suenter persunas voluntarias – che vegnan scoladas da l’organisaziun dal maun avert e che porschan da cuntinuar la baterlada. Uschia che la baterlada na sto betg esser a fin suenter il cumprar en.

video
La cassa extra per dar ina baterlada
Or da RTR Social dals 07.03.2022.
laschar ir. Durada: 59 Secundas.

RTR actualitad 17:00

Artitgels legids il pli savens

Scrollar a sanestra Scrollar a dretga