Siglir tar il cuntegn

Header

L'entrada en l'exposiziun e in QR Code. Il telefonin fa part da l'exposiziun.
Legenda: Entrar l'exposiziun pon ins cun in QR Code. Il telefonin fa part da l'exposiziun. RTR
cuntegn

Polit-Forum Berna Democrazia digitala

La democrazia è en moviment e quel vegn era influenzà da la digitalisaziun. Perquai ha il Polit-forum a Berna realisà in'exposiziun davart la democrazia digitala. Ma oravant tut sa dumonda l'exposiziun sco che la democrazia sa mida pervi da la digitalisaziun.

Igl è in'exposiziun che s'occupa dad avantatgs e dischavantatgs da la digitalisaziun en connex cun la democrazia. Oravant tut la dumonda suenter l'influenza da la digitalisaziun sin la furmaziun da l'atgna opiniun stat en il center. En l'exposiziun duai mintgina e mintgin era sezza reflectar davart dumondas da la digitalisaziun. Ina app maina visitadras e visitaders tras l'exposiziun. Concepì quella app ha la scenografa Andrina Casutt da Falera. Igl saja stà ina sfida da far in'exposiziun ord datas fitg scientificas. Oravant tut perquai ch'i duai esser chapibel per in e scadina - saja quai giuven ni vegl ni persunas cun in'auta scolaziun u bassa scolaziun.

audio
HelveCHia: Exposiziun «Democrazia digitala»
05:15 min, Actualitad dals 07.07.2021.
laschar ir. Durada: 05:15 minutas.

L'exposiziun è da vesair en il Polit-Forum a Berna anc fin ils 11 december.

RTR actualitad 11:00

Artitgels legids il pli savens

Scrollar a sanestra Scrollar a dretga