Siglir tar il cuntegn

Header

Porträt Martin Nydegger – Direktor Schweiz Tourismus
Legenda: Martin Nydegger discurra da records per l'hotellaria en Svizra. Keystone
cuntegn

Hotellaria en Svizra Martin Nydegger discurra d'in 2023 da record

Cunzunt giasts svizzers schazegian dapi la pandemia l'agen pajais. Dentant er gistas da l'exteriur hajan contribuì a las cifras extraordinarias.

Il 2023 vegnia a dar in absolut onn da record per l'hotellaria svizra. Quai ha il directur da Svizra turissem Martin Nydegger ditg en in'intervista a la Schweiz am Wochenende. Ins vegnia a cuntanscher quest onn passa 40 milliuns pernottaziuns da hotel. Quai è in record per l'hotellaria svizra. Il pli impurtant sajan vinavant ils giasts indigens da la Svizra. Quels schazegian dapi la pandemia da nov l'agen pajais. Nydegger quinta però ch'ins haja tar il martgà indigen cuntanschì il pussaivel. Svizras e Svizzer hajan er puspè dapli gust da far viadis a l'exteriur. Tenor il directur da Svizra turissem giaja dentant er betg senza ils giasts da l'exteriur.

Vinavant buna reputaziun

La reputaziun da la Svizra n'haja betg patì. La cuminanza internaziunala na fetschia betg in maletg da noss pajais mo sin fundament da singuls eveniments – sco per exempel il naufragi da la banca gronda Credit Suisse. La destinaziun Svizra valia vinavant sco segira.

Or da l'archiv

Gia la stad avevan ins discurrì en Svizra da cifras da turissem da record. Sin nivel chantunal dal Grischun vesevi lura però or in zic different.

audio
Hotellaria: Bun onn per Grischun e Svizra
ord Actualitad dals 17.08.2023. Maletg: RTR
laschar ir. Durada: 3 minutas 33 Secundas.

RTR novitads 11:00

Artitgels legids il pli savens