Siglir tar il cuntegn

Header

cuntegn

Hotellaria Mancanza da persunal pli acuta che supponida

La mancanza da persunal en la hotellaria è pli acuta che supponida. Quai scriva Hotelleriesuisse en ina communicaziun. Tenor in studi dal Biro per studis da lavur e politica sociala manchia ina basa solida statistica per mesirar la mancanza da persunal qualifitgà en l'hotellaria.

Ils indexs sa basan principalmain sin il dumber da dischoccupads. Tar la hotellaria e restauraziun è quella cifra dentant auta perquai che las abilitads dumandadas na correspundan betg a las abilitads offridas. Uschia èn bleras plazzas vacantas er sche bleras persunas tschertgan lavur en il sectur.

L’uniun fa uss squitsch sin la politica che absolvents da l’exteriur da scolas da la hotellaria svizras duain retschaiver pli facilmain ina lubientscha da lavurar en Svizra.

audio
Per tadlar: las novitads da las 14:00
ord RTR Audio dals 14.10.2022.
laschar ir. Durada: 2 minutas 56 Secundas.

RTR Novitads 14:00

Artitgels legids il pli savens