A l'entschatta da la stagiun d’enviern han bleras destinaziuns turisticas da batter cun memia pauc persunal. Quai ha ditg il directur da l’organisaziun turistica vallesana «Wallis Promotion», Damian Constatin, en in’intervista cun la «Sonntagszeitung».
Persunal manchia cunzunt en la gastronomia ed en l’hotellaria. Sulettamain en il Vallais na sajan anc 700 plazzas betg occupadas. I saja gia stà difficil da chattar persunal qualifitgà avant la pandemia. Uss saja il problem s’intensivà. L’organisaziun propona perquai d’engaschar a curta vista students ed absolvents da las scolas d’hotellaria. L’associaziun professiunala »Hotelleriesuisse« beneventa questa proposta.
Ord l'archiv
video
L'obligatori da certificat è positiv per la gastronomia
Or da Telesguard dals 28.10.2021.
laschar ir. Durada: 1 minuta 49 Secundas.
