Quest onn è il davos en uffizi d'Andreas Züllig sco president da Hotelleriesuisse. Durant ses onns sco president ha el emprendì svelt da manischar la branscha da hotellaria atras crisas. Be 15 dis suenter ch'el è entrà en uffizi è il curs minimal da l'euro envers il franc svizzer vegnì abolì, uschia che vacanzas en Svizra custavan bler dapli per turists e turistas da l'Europa.
Ma la pli gronda crisa che Andreas Züllig ha stuì surmuntar era la pandemia. Per Andreas Züllig han las crisas era gì lur positiv. La branscha haja mussà ch'els possian era dar dumogn a sfidas en il futur. La pli gronda sfida actuala per Hotelleriesuisse resta la mancanza da persunal.
Martin von Moos daventa nov president
La radunanza da delegads ha elegì Martin von Moos sco successur dad Andreas Züllig che sa retira suenter nov onns en uffizi, hai num en ina communicaziun. Martin von Moos ha 60 onns è dal chantun Lucerna e maina dus hotels da quatter stailas en il chantun Turitg.
