Siglir tar il cuntegn

Header

cuntegn

Il BAG ha infurmà a Berna 23 ospitals en Svizra cun staziun intensiva plaina

La taskforce da Covid-19 ha avertì cun insistenza ch’ils ospitals svizzers sajan en privel d’esser plains cun pazients intensivs. Pertutgà il pli ferm è la Svizra franzosa, là èn occupadas 97% da las capacitads da las staziuns intensivas. Quai cun ina cumpart da 40% da pazients da Covid-19.

Anc sajan 167 letgs sin las staziuns intensivas libers, ha ditg il delegà dal Cussegl federal per il servetsch sanitar coordinà Andreas Stettbacher. 23 ospitals en Svizra n’hajan dentant nagins letgs intensivs certifitgads libers pli.

Tenor la taskforce federala pudess la limita critica da 400 pazients intensivs vegnir surpassada anc quest december, sch’il trend tar ils cas da corona na sa mida betg bainprest. Il commember da la taskforce Urs Karrer ha manegià – ch’els hajan dubis giustifitgads che las novas restricziuns tanschian per che las infecziuns da corona na creschian betg pli a moda exponenziala.

video
Karrer: «Fin a 20'000 ospitalisaziuns pudess ins evitar»
Or da News-Clip dals 07.12.2021.
laschar ir. Durada: 1 minuta 36 Secundas.

Pauc dinamica tar il vaccinar

Il dumber da las persunas vaccinadas creschia mo plaunet, ha ditg avant las medias Virginie Masserey dal BAG. Ils chantuns mettian bain a disposiziun pussaivladads per sa laschar vaccinar, quellas vegnian dentant er duvradas il mument per survegnir la terza dosa.

video
Masserey: «Il dumber da las persunas vaccinadas crescha be plaun»
Or da News-Clip dals 07.12.2021.
laschar ir. Durada: 1 minuta 51 Secundas.

Virginie Masserey ha vitiers accentuà, che dapli persunas betg vaccinadas arrivian en ils ospitals che glieud cun la protecziun. 

Tar persunas vaccinadas cumplainamain è il ristg da sa tschentar en l’ospital pli pitschen, s’augmenta dentant cun la vegliadetgna.
Autur: Virginie Masserey Manadra da la secziun controlla d'infecziuns tar il BAG

Novs placats dal BAG

Cun reglas e cun sa laschar testar possian ins tegnair sut controlla la pandemia, ed evitar ch’autras persunas vegnan en privel, ha agiuntà Virginie Masserey. Plinavant ha ella preschentà la nova campagna da la Confederaziun – che duai sensibilisar la populaziun da sa tegnair vid las mesiras da corona. Il fund è oransch e duai muntar: La situaziun è seriusa.

Dus placats che averteschan dal coronavirus.
Legenda: Keystone

RTR novitads 17:00

Artitgels legids il pli savens