La Confederaziun duai sustegnair il project Sion 2026 cun fin a 994 milliuns francs, en il cas che la Svizra survegniss ils gieus olimpics. Il Cussegl federal ha deliberà in messadi che va ussa en il parlament.
Sper ina contribuziun al budget da realisaziun duai la Confederaziun er sa participar als custs per la segirtad e las investiziuns per implants da sport. La consultaziun saja stada positiva. Realisar gieus olimpics d'enviern saja ina gronda sfida per la Svizra - tant ord vista sportiva sco era politica, scriva il Cussegl federal.
RR novitads 17:00