Siglir tar il cuntegn

Header

cuntegn

Ils Verds La partida crescha suenter il Na a la lescha da CO2

Dapi il Na a la lescha crescha il dumber da commembers e commembras tar ils Verds en media per 30 persunas a di, ha ditg il president da la partida Balthasar Glättli en in’intervista cun la «SonntagsZeitung».

En ils chantuns e vischnancas festiveschian ils Verds anc adina victorias electoralas, ha agiuntà Balthasar Glättli. I na sa tractia betg dad ina unda verda, che vegn e va puspè – mabain dad in augment cuntinuant d’electuras, commembers e simpatisants.

Las ultimas votaziuns na fetschian betg ina differenza, ha manegià il president dals Verds. Ils 13 da zercladur aveva il suveran svizzer refusà la lescha da CO2, sco er las duas iniziativas agraras.

La pretensiun dals Verds da survegnir in sez en il Cussegl federal è tenor Glättli vegnida pli gronda. Sch’ins quintia haja sia partida il dretg sin in dals dus sezs da la PLD. En bleras grondas dumondas saja da fidar pli fitg als Verds ch’als liberals.

audio
Per tadlar: Las novitads da las 12.00 uras
ord RTR Audio dals 27.06.2021. Maletg: RTR
laschar ir. Durada: 6 minutas 41 Secundas.

RTR novitads 11:00

Artitgels legids il pli savens