Siglir tar il cuntegn

Header

cuntegn

Immobiglias Abitaziuns da luxus vegnan anc pli charas

Abitaziuns da proprietad en il segment da luxus èn vegnidas pli charas en Svizra. Tgi che vul cumprar in’abitaziun en il segment da luxus sto pajar en media passa 2 milliuns francs. Quai mussa ina retschertga da l’interpresa da cussegliaziun d'immobiglias «Fahrländer Partner». Entaifer in onn è il pretsch per abitaziuns da luxus creschì cun quai per bunamain 14%.

Cun quai s'avischinan ils pretschs als pretschs da record da la fin dal 2014. Da lez temp han ins stuì pajar en media 2,2 milliuns francs per ina abitaziun da luxus da 180 meters quadrat surfatscha en in bun lieu d'abitar.

RR novitads 12:00