Siglir tar il cuntegn

Header

cuntegn

Immobiglias Pretschs per spazi d'abitar creschan vinavant

Ils pretschs d’immobiglias èn creschids l’onn passà en Svizra. Sco la plattafurma online «Immoscout24» scriva, valian chasas d’ina famiglia 6,9% dapli e las abitaziuns da proprietad 7,3% dapli. Immoscout sa basà sin in’analisa dad expertas ed experts. Quels quintan ch’ils pretschs d’immobiglias creschian vinavant quest onn. Quai, tranter auter, pervia dal svilup solid da l’economia ed il terren che daventa adina pli rar. Dentant era la pandemia ha giu in'influenza sin il pretsch - il basegn d'abitar è numnadamain sa midà durant quella.

Tschainas in zichel pli bass

Dentant betg be proprietaris han profità, mabain era locatarias e locataris, scriva Immoscout24 vinavant. Els han pudì profitar d'ina reducziun minimala da 0.3%. Il december hajan ins pudì registrar ina reducziun da 0,9%.

Ord l'archiv

Per immobiglias en lieus turistics pajan ins ozendi bler dapli ch'avant dus onns. La raschun è cunzunt la crisa da corona. En media custa il meter quadrat terren per bajegiar 14% dapli ch'il 2019.

audio
Pretschs d'immobiglias en lieus turistics creschan
aus Actualitad vom 22.12.2021.
abspielen. Laufzeit 56 Sekunden.

RTR novitads 12:00

Artitgels legids il pli savens

Scrollar a sanestra Scrollar a dretga