A Berna ha la polizia denunzià ier radund 600 persunas che vulevan demonstrar cunter las mesiras da corona. A la gronda part vegn renfatschà d'avair violà l'ordinaziun da Covid chantunala. Quai ha communitgà la Polizia chantunala. La demonstraziun na saja betg stada lubida. Davart la multa sto la procura publica decider.
Polizia impedescha manifestaziun
Pervi da l’acziun gronda da las forzas da segirezza n’hai dà nagina manifestaziun a Berna. Fullas da glieud èn vegnidas impedidas.
Tenor communicaziun ha la polizia controllà passa 650 persunas e tramess davent ellas. Bunamain 30 sajan temporarmain vegnidas arrestadas.
