Siglir tar il cuntegn

Header

cuntegn

In augment considerabel UBS fa meglier resultat dapi 15 onns

La banca gronda UBS ha fatg l'onn passà ses pli grond gudogn dapi 15 onns. Grazia al boom sin la bursa è quel creschì per 14% sin 7,46 milliardas dollars. Quai ha communitgà la UBS. Analistas ed analistas avevan oriundamain quintà cun in surpli da 6.98 milliardas dollars. Uschia ha la UBS er surpassà las atgnas pretensiuns.

UBS en il cas franzos

N'avess la banca svizra betg stuì metter da la vart ulteriurs 740 milliuns dollars per ina dispita da taglia en Frantscha fiss il resultat anc stà meglier.

Mez december ha la dretgira d'appellaziun a Paris declarà culpaivla la UBS er en segunda instanza, d'avair fatg fatschentas finanzialas nunlubidas e gidà da lavar daners. La dretgira ha dumandà la banca per in pajament da tut en tut 1,8 milliardas euros – La UBS ha appellà in ulteriura giada a la dumonda.

video
Frantscha: Dretgira d'appellaziun sbassa la multa cunter l'UBS
Or da Tagesschau dals 13.12.2021.
laschar ir. Durada: 3 minutas 8 Secundas.

Actualmain administrescha la UBS 4,6 billiuns dollars.

RTR novitads 08:00

Artitgels legids il pli savens