L'incendi da guaud sur Bitsch en il chantun Vallais è sa stabilisà trais emnas suenter ch'il guaud a cumenzà a brischar.
Ier saira han las autoritads instradà il pass da la situaziun extraordinaria a la normala. Ils davos dis hajan ins mo pli chattà singuls cuaditschs e stizzà quels. Las lavurs da stizzar vegnian uss sistidas pass per pass.
Ina gruppa da pumpiers restia dentant en prontezza perquai ch'i possia anc plirs mais dar novs fieus, scrivan las autoritads.
Or da l'archiv:
Cirquit curt sco raschun pussaivla da l'incendi
L’incendi da guaud era rut or ils 17 da fanadur. Ina lingia d’electricitad pudess esser la raschun da l’incendi da guaud a Bitsch en il Vallais Sura. Quai mussan retschertgas da la «SonntagsZeitung». In cirquit curt chaschunà tras in contact cun ils cabels, pudess esser il culpant.
