Siglir tar il cuntegn
cuntegn

Svizra Incendi Landi Tusaun: 10 mais praschun cundiziunà per giuvenil

La dretgira da giuvenils d'Alvra ha condemnà il giuvenil ch'ha dà fieu la landi a 10 mais praschun cundiziunà, ina psicoterapia e da plazzar el en in'instituziun averta per giuvenils.

Incendi da la Landi a Tusaun il december 2017.
Legenda: Incendi da la Landi a Tusaun il december 2017. Keystone

La Dretgira da giuvenils da la Dretgira regiunala Alvra ha sentenzià il giuven che ha dà fieu ils 14 da december 2017 la Landi a Tusaun pervi d'incendiament e leva blessura corporala. Ella ha decidì 10 mais praschun cundiziunà e vitiers ordinà in tractament psichoterapeutic ambulant e da plazzar il giuven sco mesira da protecziun en in'instituziun averta per giuvenils.

La dretgira ha tar sia decisiun resguardà las relaziuns persunalas dal giuvenil sa basond sin examinaziuns profundas ed in'expertisa d'in medi spezialist. La dretgira è perquai ida ora dad ina responsabladad penala levamain reducida dal giuvenil che na po betg numnar ina raschun per ses agir.

Avant in onn aveva il giuven da lura 16 onns dà fieu la filiala da la Landi. Lezza è arsa dal tut ed ha chaschunà in donn da 6,4 milliuns francs.

RR novitads 09:00