Il consum è in dals pilasters da l'economia, ed el trembla. Las novas cifras dal Secretariat d'economia federal SECO inditgeschan pauc gust tar la populaziun da tegnair en schlantsch l'economia cun cumprar bler. Per il quart quartal da 2022 è l'index da la luna da consum sin il pli bass stan dapi 50 onns.
Chareschia e svilup general èn la culpa
La glieud è da l'avis che lur situaziun finanziala sa pegiurescha e spetga il medem per l'economia en general. Quai giascha tenor il SECO vid la chareschia da passa 3% ch'è en tschertas spartas anc pli auta.
Sulettamain las pussaivladads da chattar lavur sajan bunas tenor ils consuments e consumentas ch'il SECO ha dumandà. L'index da la luna da consum sa basa sin valitaziuns subjectivas dals consuments e las consumentas. Sulettamain l'entschatta dals onns 1990 era la luna da consuments sumegliantamain schletta.
