Siglir tar il cuntegn

Header

cuntegn

Malgrà guerra ed inflaziun Il KOF na quinta betg cun ina recessiun en Svizra

En Svizra na datti probabel nagina recessiun – e quai malgrà pandemia da corona, guerra en l’Ucraina ed inflaziun. Quai ha ditg Jan-Egbert Sturm, il manader da l’Institut da perscrutaziun da la conjunctura da l’ETH a Turitg, en l’intervista cun la «SonntagsZeitung».

Inflaziun va enavos

Bain vegnia la Svizra ad avair in detg flaivel mez onn d’enviern en connex cun la creschientscha economica. Tuttina sclaudia el ina recessiun, premess ch’i na dettia naginas stretgas d’energia desastrusas, uschia Sturm.

Ultra da quai quintia el er che l’inflaziun giaja puspè enavos en Svizra. Ella vegnia ad esser tranter 3% e 3,5% fin l’autra primavaira. Silsuenter duess ella ir enavos, sch’i na dettia betg novs problems nunspetgads.

Or da l'archiv

video
Recessiun
Or da Cuntrasts dals 29.09.2002.
laschar ir. Durada: 12 minutas 9 Secundas.

RTR novitads 08:00

Artitgels legids il pli savens