La chasa da medias Ringier ch'edescha tranter auter il «Blick» vul surlavurar ses principis da la direcziun e sias lingias publicisticas. Quai communitgescha la chasa editura. Da nov duai il schefredactur dal Blick esser suttamess directamain al Editur Michael Ringier, e betg pli a CEO Marc Walder.
La decisiun saja crudada suenter ch'igl è vegnì rapportà davart las stretgas relaziuns tranter il CEO da Ringier Marc Walder ed il departament da sanadad dad Alain Berset.
Tenor la «Schweiz am Wochenende» munta questa nova orientaziun er ch'il CEO Marc Walder perda influenza. Ringier communitgescha entant ch'il cussegl d'administaziun stettia vinavant davos Walder.