Sco quai ch'il concern da construcziun communitgescha, saja planisada ina reorganisaziun fundamentala, latiers dettia er relaschadas e che parts da l'interpresa vegnan vendidas. En total sajan pertutgadas da la restructraziun fin l'onn 2023 radund 2'000 plazzas cumplainas. Planisadas sajan radund 750 relaschadas, da quai 250 plazzas en Svizra.
Respargn da 50 milliuns francs
Implenia vul focussar sias fatschentas sin servetschs da construcziun ed immobiglias en Svizra e la Germania. Cun questa reorganisaziun quinta il concern da spargnar passa 50 milliuns francs ad onn. Ils custs per la reorganisaziun muntan a var 60 milliuns francs.
Plinavant quinta l'interpresa cun custs da radund 50 milliuns francs pervia da las consequenzas negativas chaschunadas tras Covid-19 per l'onn da fatschenta 2020. Ins quinta cun in minus da 70 milliuns francs.
