Siglir tar il cuntegn
Inhalt

Svizra «Iniziativa d'autodeterminaziun – in privel per la Svizra»

Da quest avis èn partidas e represchentants da l’economia e d’organisaziuns da minoritads. A Berna han els preschentà lur arguments cunter l’iniziativa dal pievel «Dretg svizzer empè da derschaders esters» che vegn en votaziun ils 25 da november.

Purtret dal comité che cumbatta cunter iniziativa d'autodeterminaziun.
Legenda: Er il cumbat cunter l'iniziativa d'autodeterminaziun è ussa lantschà. Keystone

Betg dapli independenza, suveranitad e democrazia portia l'iniziativa d'autodeterminaziun, mabain malsegirezza giuridica ed isolaziun. Cuntradicziuns en il text da l'iniziativa da la PPS provocheschian che las cunvegnas che la Svizra haja fatg valian be pli cun resalva, u stuessan tut tenor vegnir abolidas u violadas.

Quai tutgia en emprima lingia l'economia che saja dependenta da cunvegnas stablas e l'access als martgads en l'exteriur.

Attatga frontala sin ils dretgs umans

Ultra da quai saja l'iniziativa in'attatga frontala sin ils dretgs umans. En cas d'in conflict stuess la Svizra sortir da la Convenziun europeica dals dretgs umans ed il Tribunal federal na dastgass betg pli applitgar quella per proteger singuls e minoritads da decisiuns arbitraras.

L'iniziativa d'autodeterminaziun pretenda che la Constituziun federala haja adina preferenza avant il dretg internaziunal. Quai cun excepziun dal dretg sfurzant sco il scumond da la sclavaria e da la tortura.

RR novitads 12:00