Entras l’iniziativa da 99% vulan ils Giuvens socialists returnar ils gudogns da milliardas dals pli ritgs a quels ch’hajan elavurà ils daners. La PS ed ils sindicats han lantschà oz la campagna per l’iniziativa che vegn ils 26 da settember a l’urna.
Tenor las indicaziuns dal comité d’iniziativa han ils 300 pli ritgs en Svizra augmentà ils ultims 7 onns lur facultad da 352 milliardas sin 797 milliardas francs. Il pli ritg pertschient en Svizra posseda gia var 42% da la facultad en Svizra.