Iniziativa da 99% - Lantschà cumbat cunter il gudogn dals pli ritgs - Novitads

Iniziativa da 99% Lantschà cumbat cunter il gudogn dals pli ritgs

Autur: SDA / Urs Müller

Entras l’iniziativa da 99% vulan ils Giuvens socialists returnar ils gudogns da milliardas dals pli ritgs a quels ch’hajan elavurà ils daners. La PS ed ils sindicats han lantschà oz la campagna per l’iniziativa che vegn ils 26 da settember a l’urna.

L'iniziativa pretenda che las entradas ord chapital, sajan quai ussa tschains u dividendas, vegnan suttamessas ad ina taglia da 150 pertschient da la taglia sin lavur, quai sch'ellas surpassan ina tscherta summa ch'il Parlament federal fixescha pli tard.

Tenor las indicaziuns dal comité d’iniziativa han ils 300 pli ritgs en Svizra augmentà ils ultims 7 onns lur facultad da 352 milliardas sin 797 milliardas francs. Il pli ritg pertschient en Svizra posseda gia var 42% da la facultad en Svizra.