L’Allianza dal Center ha lantschà sia campagna da votaziun per l’uschenumnada «Iniziativa dal frain dals custs». L’iniziativa dal pievel pretenda mesiras sch’ils custs per la sanadad creschian memia ferm cumpareglià cun las pajas. L'avantatg da l'iniziativa saja ch'ella na cumbattia betg las premias autas, mabain la raschun per quellas. Quai sajan numnadamain ils custs per la sanadad, argumenteschan ils iniziants.
Il Cussegl federal, il parlament ed ils chantuns refuseschan dentant l’iniziativa. L’ultim pled en chaussa ha il suveran svizzer ils 9 da zercladur a l’urna. Il medem di decida el er davart l'iniziativa che vul distgargiar las premias che la PS ha lantschà.
