L'iniziativa pretenda ch'il Cussegl federal, l'Assamblea federala ed ils chantuns intervegnian – sch'ils custs da sanadad creschan memia fitg en cumparegliaziun cun il svilup da las pajas.
Concret munta quai: Creschan ils custs mintg'onn pli fitg che las pajais sto la Confederaziun prender mesiras per sbassar ils custs. Quai avess lura da succeder ensemen cun ils chantuns, las assicuranzas da malsauns ed ils furniturs da prestaziun.
Far frunt als custs da sanadad
Cun l'iniziativa veglian els far frunt al pli grond quità da la populaziun svizra, numnadamain ils custs da sanadad, ha ditg il cusseglier naziunal ed iniziant Stefan Müller-Altermatt.
Igl è in di legraivel per la Svizra.
Cun questa iniziativa vegnian ins finalmain a realisar mesiras concretas per franar l'explosiun da las premias.
La PS ha gia inoltrà in'iniziativa da premias
Gia il schaner avevan ils socialdemocrats inoltrà in'iniziativa per cumbatter la creschientscha da las premias da cassas da malsauns. Quella prevesa percunter che nagin sto pajar dapli che 10% da sias entradas per las premias. Ina differenza stuessan ils chantuns e la Confederaziun cumpensar cun reducir la premia.
