La cumissiun d'instituziuns politicas dal Cussegl naziunal refusa l'iniziativa da limitaziun da la PPS. Quai recumonda ella cun 16 cunter 8 vuschs. L'a PPS vul cuntanscher cun quest'iniziativa che la Svizra visescha la libra circulaziun da persunas cun l'UE.
Iniziativa d'immigraziun da massa en nov vestgì
Il president da la cumissiun, Kurt Fluri (PLD/SO), ha ditg avant las medias ch'ils arguments – tant dals adversaris, sco er dals aderents – sajan quasi ils medems sco tar l'iniziativa d'immigraziun da massa.
Ils aderents argumenteschan cun la cifra d'immigraziun, che saja massa auta. Ils adversaris temian per la via bilaterala cun l'UE.
Na ad in «Brexit svizzer»
Gia il Cussegl federal aveva proponì da dir na a l'iniziativa. Quella mettess en privel ils contracts cun l'UE. La ministra da giustia, Karin Keller-Sutter (PLD), argumentescha che quai fiss in «Brexit svizzer».
Il Cussegl naziunal tracta l'iniziativa en sia sessiun d'atun.
RR novitads 17:00