Siglir tar il cuntegn

Header

cuntegn

Iniziativa da rentas Comité Na: iniziativa n'è betg sociala e betg democratica

L'iniziativa da rentas vul auzar la vegliadetgna da pensiun pass per pass sin 66 onns fin l'onn 2032 e suenter colliar la vegliadetgna da pensiun cun l'aspectativa da vita. Tenor il comité ch'è cunter l'iniziativa dals Giuvens liberals n'è la proposta betg adattada per refurmar il provediment da vegliadetgna. Il comité Na crititgescha che l'iniziativa na saja betg sociala, betg democratica e tecnocratica. Ultra da quai crititgescha il comité ch'inegualitads socialas vegnissan anc pli grondas cun l'iniziativa.

Qualificaziun influenzescha aspectativas da vita

Persunas cun scolaziuns e qualificaziuns main bunas vegnian main veglias e sajan savens era betg uschè saunas en la vegliadetgna sco persunas cun pli auta qualificaziun. Per fixar la vegliadetgna da renta na saja perquai betg be l'aspectativa da vita decisiva, argumentescha il comité. Impurtant saja era da resguardar ils onns ch'ina persuna pensiunada possia viver sauna en la vegliadetgna da renta.

Part dal comité cunter l'iniziativa da rentas fan la partida socialdemocratica, la partida populara svizra, la partida dal center, ils verds e la partida verd-liberala. La partida liberaldemocratica recumonda percunter da dir Gea a l'iniziativa.

Il suveran svizzer decida ils 3 da mars davart l'iniziativa da rentas sco era davart l'iniziativa per ina 13avla renta da l'AVS.

Or da l'archiv:

Avant stgars in onn era era il Cussegl dals chantuns s'occupà cun l'iniziativa.

audio
Iniziativa da rentas refusada en il Cussegl dals chantuns
ord Actualitad dals 15.03.2023. Maletg: Keystone
laschar ir. Durada: 4 minutas 15 Secundas.

RTR novitads 10:00

Artitgels legids il pli savens