Siglir tar il cuntegn

Header

cuntegn

Iniziativa per ils glatschers Clima Cumissiun sustegna cuntraproposta indirecta

Las schanzas creschan che la Svizra vegn pli spert cun agid da leschas a la finamira netto-nulla 2050, che cun midar la constituziun. La cumissiun per ambient dal Cussegl dals chantuns ha approvà la cuntraproposta indirecta a l'iniziativa per ils glatschers, cun 10 cunter 2 vuschs. Questa cuntraproposta cuntegna finamiras d'etappa, e finamiras da reducziun per bajetgs, traffic ed industria. Il Cussegl dals chantuns tracta la fatschenta probablamain en la sessiun d'atun.

Cussegl naziunal per cuntraproposta

Il Cussegl naziunal aveva refusà l'iniziativa per ils glatschers, ha dentant sustegnà la cuntraproposta dal Cussegl federal. Na a la cuntraproposta han ditg ils Verds e divers commembers da la fracziun da la PPS. Abstenziuns hai cunzunt dà tar la PPS.

L'iniziativa per ils glatschers pretenda da reducir emissiuns da gas cun effect da serra fin il 2050 sin null. Davent dal 2050 na duai la Svizra lura betg pli duvrar carburants sco ieli, benzin, gas u diesel, ma er charvun. Excepziuns duai be dar sch'i na dettia nagina alternativa tecnica.

RTR novitads 14:00

Artitgels legids il pli savens