L'iniziativa da las Alps pretenda perquai da desister d'ina cuntraproposta directa e la votaziun dal pievel per la midada da la Constituziun. Per cuntanscher pli svelt las finamiras, propona l'uniun ina midada da la lescha via parlament e quai cun ina cuntraproposta indirecta. Da realisar las finamiras per proteger il clima fetschia prescha – e quai surtut en las Alps. Il territori da muntogna dovria perquai promoziun e betg excepziun, scriva l'uniun per la protecziun da las Alps.
Sch'il Cussegl federal na saja betg pront dad elavurar ina cuntraproposta indirecta, lura pretenda l'iniziativa da las Alps midadas vid la cuntraproposta directa:
- La Confederaziun duai sustegnair spezialmain las regiuns muntagnardas per cuntanscher la neutralitad al clima, enstagl da lubir ad ellas cun reglas d'excepziun da pudair nizzegiar combustibels e carburants fossils er anc suenter l'onn 2040.
- Ultra da quai duai il Cussegl federal procurar ch'i na vegnan betg pli mess en circulaziun combustibels fossils gia a partir dal 2040. Pir a partir dal 2050 e cun resguardar aspects tecnics ed economics saja memia tard, scriva l'iniziativa da las Alps.
audio
Per tadlar: Las novitads da las 12:00
ord RTR Audio dals 02.12.2020.
laschar ir. Durada: 5 minutas.
