La Partida dals pirats parta dal fatg che ses referendum cunter las novas reglas per la protecziun da giuvenils cunter cuntegns nunadattads en films e gieus da video n’è tuttina betg reussì. Quai haja communitgà la partida ier saira, sco l’agentura da novitads Keystone-SDA rapporta.
Pir la gievgia ha la partida inoltrà las 50'000 suttascripziuns necessarias. Tenor il president da la partida saja il referendum stà curt avant il naufragi il december passà. Il schaner haja il tema lura però survegnì ina gronda attenziun mediala.
Dentant sa mussia uss ch’il dumber da suttascripziuns ramassadas pudess esser memia pitschen. I haja dà problems cun la metoda da dumbrar las suttascripziuns, ha argumentà la Partida dals pirats.
Or da l'archiv:
video
La Partida dals pirats inoltrescha il referendum
Or da Tagesschau dals 19.01.2023.
laschar ir. Durada: 1 minuta.