Siglir tar il cuntegn

Header

cuntegn

Inquisiziun externa Aviatica civila svizra ademplescha duair da surveglianza

Bunamain trais onns suenter la crudada da l'aviun Ju-52 al Piz Segnas (Flem) vegn in'inquisiziun externa dals Pajais Bass a la conclusiun ch'i na dat nagins «defizits sistemics u ristgs» tar l'autoritad da surveglianza da sgol Bazl.

Suenter la crudada da la Ju-52 aveva il Servetsch svizzer d'inquisiziuns da segirezza (Sust) crititgà divers manglaments tar la surveglianza da sgol. Pervi da questa critica ha la Confederaziun ordinà in'examinaziun entras l'institut d'aviatica ollandais. Tenor il rapport publitgà na dettia nagina situaziun insupportabla che fissan da midar urgentamain. Il Bazl adempleschia sia obligaziun da surveglianza sin aut nivel en cumparegliaziun internaziunala, hai num.

Basegn d'agir dettia tar la coordinaziun da la surveglianza tecnica e la surveglianza dal manaschi dal traffic aviatic.

Sbagl da pilot ha chaschunà crudada da la Ju-52

Suenter la crudada da la JU-52 era il Bazl vegnì en la critica. La tragedia al piz dal Segnas era dentant vegnida chaschunada d'in sbagl dal pilot. Il rapport final da l'accident è cumparì il schaner da quest onn.

RTR novitads 16:00;

Artitgels legids il pli savens

Scrollar a sanestra Scrollar a dretga