Il pretsch da l'aur è crudà ferm il venderdi ed ha cuntanschì il nivel il pli bass dapi passa dus onns. Analists decleran questa sminuziun curt avant la fin d’emna cun il ferm augment dals tschains als martgads da chapital. Quai fetschia numnadamain pli attractiv vaglias a tschains fix – sco per exempel emprests – ch’investiziuns en aur.
Da mezdi è il pretsch d’ina unza fina aur (31,1 gramms) crudada per radund 27 dollars sin 1'644 dollars. Il medem mument haja il martgà d’emprests da stadi nudà in ferm augment da las renditas.