Siglir tar il cuntegn

Header

cuntegn

Investur american Suenter Sedrun Andermatt surpiglia Vail er Crans-Montana

L'onn passà Andermatt-Sedrun, uss era Crans-Montana en il Vallais: L'interpresa dals Stadis Unids Vail Resorts expandescha vinavant. Tenor ina communicaziun surpiglia l'investider 84% vi da las parts dal gestiunari dals runals a Crans-Montana.

Part dal territori da skis èn era fatschentas e staziuns d'emprest. Ultra da quai sa participescha Vail Resorts per 80% a la societad da scola da skis e surpiglia tut las 11 ustarias da la regiun.

Crans-Montana
Legenda: Crans-Montana sa chatta sin in plateau aut sur la Val dal Rodan e porscha 140 kilometers pistas. Keystone

Cun la surpigliada spetga Vail Resorts in augment marcant da las entradas ed in dumber pli grond da giasts internaziunals.

30 milliuns ed in «Epic Pass»

Vail Resorts stima la valur dal territori da skis sin var 118,5 milliuns francs. L'interpresa americana vul integrar Crans-Montana en ses «Epic Pass» ed investir durant ils proxims tschintg onns var 30 milliuns francs. Il «Epic Pass» è ina sort abunament da stagiun, cun il qual la clientella po far diever illimitadamain dals manaschis da Vail Resorts e dals partenaris en tut il mund per in pretsch fix.

audio
Per tadlar: las novitads da las 12:00
ord RTR Audio dals 30.11.2023.
laschar ir. Durada: 4 minutas 7 Secundas.

RTR novitads 12:00

Artitgels legids il pli savens