Siglir tar il cuntegn

Header

Magdalena Martullo-Blocher durant conferenza da medias.
Legenda: Parlamentaris a Berna appelleschan al Cussegl federal – tranter els er Magdalena Martullo-Blocher. Keystone
cuntegn

Ir cun skis Segirar il turissem d’enviern

Quai vulan singuls parlamentaris burgais. Els han oz appellà al Cussegl federal. Tranter auter na vulan els naginas restricziuns naziunalas per ils territoris da skis.

Igl èn politicras e politichers da la Partida populara svizra, da la Partida liberaldemocratica e da la fracziun da l’Allianza dal center che han appellà al Cussegl federal. Els vulan che mintga chantun possia sez decider, co ch'els vulan agir cun il turissem d’enviern.

En pli pretendan els, ch'i na duaja dar ina limita da capacitad sco quai ch'il Cussegl federal ponderescha actualmain. En quest reguard èn era vegnidas inoltradas intervenziuns parlamentaras urgentas. Sch'il biro dal parlament declera quellas era per urgentas, sto il minister da sanadad anc respunder durant questa sessiun a quellas. Tut tenor pudess lura avair lieu ina debatta urgenta en la terza emna da la sessiun.

RTR novitads 17:00

Artitgels legids il pli savens

Scrollar a sanestra Scrollar a dretga