Siglir tar il cuntegn

Header

cuntegn

Italia «Pass verd» cunter corona

En l'Italia valan davent dad oz venderdi reglas pli severas, per cumbatter corona e num ha quai «Pass verd». Tgi che va a mangiar endadens en in'ustaria, en in museum u en in bogn sto mussar si d'esser vaccinà, avair in test da corona u in mussament d'esser guarì da corona. Cun las novas mesiras spera la regenza taliana ch'anc dapli glieud sa lascha vaccinar e da pudair franar l'augment d'infecziuns novas.

Pass verd er en scola

E davent dal settember drova era la magistraglia, docents a l'universitad e studentas e students in tal Pass verd. Cun quai pass vul ins pussibilitar l'instrucziun da preschientscha er suenter las vacanzas. Tenor il minister da sanadad Roberto Speranza èn fin 90% da la magistraglia en l'Italia vaccinads. E quai Pass verd dovri en quatter emnas lura era en trens e bus a distanza, sin navs-fera e per sgular.

Artitgels legids il pli savens

Scrollar a sanestra Scrollar a dretga